Orxan Məhərrəmovun atası Binnət Əli oğlu Məhərrəmov Gürcüstan SSR-in marneuli rayonu Qaçağan kəndində dünyaya gəlmişdir. 1990-cı ildən etibarən Azərbaycanın Sumqayıt şəhərində yaşayır.

Orxan Məhərrəmov 2001-ci ildə Azərbaycanın Sumqayıt şəhər 28 saylı tam orta məktəbinə daxil olmuş və 2010-cu ildə doqquz illik təhsillə bitirmişdir.                                              2012-ci ilin oktyabr ayında Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin Sumqayıt Şəhər İdarəsində həqiqi hərbi xidmətə çağrılmış və Azərbaycan Respublikası Silahlı Qüvvələrinin Quru Qoşunlarının Gədəbəy rayonu İvanovka kəndi ərzasində yerləşən hərbi hissəsində xidmətə başlamış və 2014-cü ildə hərbi xidməti başa vurmuşdur.

Orxan Məhərrəmov 29 sentyabr 2020-ci il tarixdə könüllü olaraq Azərbaycan Respublikası Silahlı Qüvvələrində yenidən hərbi xidmət keçmək üçün müraciət etmiş və  Quru Qoşunlarının tərkibində Azərbaycan Respublikasının, Ermənistan tərəfindən işğal edilmiş ərazilərinin azad edilməsi, Azərbaycan ərazi büövlüyünün təmin edilməsi uğrunda şücaət və igidliklə vuruşmuşdur. Orxan Məhərrəmov Xocavənd, Fizuli və Cəbrayıl rayonlarının işğalçılardan azad edilməsi uğrunda döyüşlərdə i.tirak etmişdir.sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Orxab Məhərrəmov Füzuli, Cəbrayıl döyüşlərində savaşıb. 

Orxan Məhərrrəmov 6 oktyabr 2020-ci ildə Xocavənd rayonunun ərazsinin azad edilməsi uğrunda gedən döyüşdə qəhrəmancasına həyatını itirmişdir. 

Orxan Məhərrəmov Bakı şəhərində yerləşən II Şəhidlər Xiyabanında dəfn edilib.

Orxan Məhərrəmov Azərbaycanın ərazi bütövlüyünün təmin edilməsi və vətən torpaqlarının işğalçılardan azad edilməsi zamanı göstərdiyi igidlik və qəhrəmanlıqlara görə, Azərbaycan Respublikasının hərbi medalları ilə təltif edilmişdir:

Azərbaycanın ərazi bütövlüyünün təmin edilməsi uğrunda qoyulmuş tapşırıqların icrası zamanı verilmiş tapşırıqları şərəflə yerinə yetirdiyi üçün Azərbaycan Prezidenti İlham Əliyevin 15 dekabr 2020-ci il tarixli Sərəncamı ilə Orxan Məhərrəmov ölümündən sonra "Vətən uğrunda" medalı ilə təltif edilib,

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25 dekabr 2020-ci il tarixli Sərəncamı ilə Orxan Məhərrəmov ölümündən sonra "Xocavəndin azad olunmasına görə" medalı ilə təltif edilib,

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24 iyun 2021-ci il tarixli Sərəncamı ilə Orxan Məhərrəmov ölümündən sonra "Füzulinin azad olunmasına görə" medalı ilə təltif edilib,

Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24 iyun 2021-ci il tarixli Sərəncamı ilə Orxan Məhərrəmov ölümündən sonra "Cəbrayılın azad olunmasına görə" medalı ilə təltif edildi.